3-Mannehushalt suecht.......

Hallo du.

Wies dr Titu vo däm Inserat scho seit, sie mir ä 3-Mannehushalt. Dä besteit us mir 49gi und mine Jungs beidi 15.ni. Ahh u de sie da no üsi zwöi 4. Beinige Chatze. Auso söttsch kei Katzehaaralergie ha.

Mir sueche kei Frou wo üs d'Wohnig putzt, üs Ässä chocht, Wösch macht usw. den das cheu mir säuber o. Mir sueche ä Frou wos mit üs wot luschtig ha. Sich getrout zwöi 15. Jährigi Jungs dür Pubertät z'begleite. Mit mir mal ä gmüetliche Abe dahei vorem Tv z'verbringe. Ig bi kei Partylöwe die Zyt isch düre das überlah ig mine Jungs we Sie de i Usgang dörfe. Söu aber nid heisse das ig ä Längwiller bi das de scho nid. Ig ga gärn mau chli use sigs id Badi oder eifach mal äs Usfährtli mittem Outo go mache.

Da eine vo mine Jungs im Fussballclub isch sötts die o nid störe we ig a de Samschtige mi Junior ad Matche begleite u das daheime o über Fussball gred wird. Du muesch aber Abseitsregle nid kenne.

Ja ig chönnt da no meh schriebe aber da wär ja Spannig wäg. Itz liegts a dir ob du dr Match mit üs wosch ufnäh. 

Es grüsst Dich dr 3-Mannehushalt.